Nafar Erdialdeko ibaien gaineko ibilbide eta begiratokirik onenak

Ezagutu Nafar Erdialdeko ibaietako paisaia ikusgarrienak. Ibilbideak eta bidexkak, zubiak eta begiratokiak Arga eta Aragoi ibaien gainean

Nafar Erdialdeko ibaien ondoko mendi ibilbiderik eta begiratokirik onenak

Ibaien ibilguek sortzen dituzten paisaiek beti bista eta ilunabar onenak eskaintzen dizkigutela esaten dute. Nafar Erdialdeko ibaien kasuan, Argak eta Aragoik, uste hori berresten dute.

Ibilbiderik, zubirik eta begiratokirik onenak erakutsiko dizkizugu, ibilguaren inguruko paraje naturalez ahalik eta gehien goza dezazun.

Erdi Aroko zubiak Arga ibaian

Herrietako bazter naturaletatik paseatu, uraren murmurio leunak lagunduta:

Garesko zubi erromanikoa zeharkatu, Donejakue Bideko erromesen bidea errazteko egin zena. Esaten da igarobide honen azpiko korronteagatik liluratzen denak, ibaiak xuxurlatzen dituen kondairak eta kontakizunak entzun ahal izango dituela.
Nafar Erdialdearen Arga ibaiaren oinezko ibilbidea. Ia 27km-ko ibilbidea da, eta ibaiaren bidea zeharkatzen du hainbat udalerritatik igarotzean. Egin geldialdiak ibilbidean zehar eta ahalik eta atarramendu gehien atera Arga ibaiaren inguruei: igaro Berbintzana eta Miranda Arga herrietako zubien ondoan, paisaia bikainak ikusteko.

Ibilbideak eta xendak Aragoi ibaiaren inguruan

Aukeratu zure mailara ondoen egokitzen den ibilbidea, Aragoi ibaiaren ondoan:

Mélida herriko “El Castillo” begiratokiak ibaiaren ibilguaren ikuspegi ederra ematen dizu, eta handik ere Santakarako Dorrea ikusiko duzu. Gainera, bertatik, Aragoi ibaiaren baratze eta sotoen artean doan ibilbide bat has dezakezu, Melidako Intxaurrondoa barne, Nafarroako monumentu natural izendatutako ehun urteko zuhaitza.
Aragoi ibaitik Zarrakaztelura doan ibilbide zirkularra 10 km baino gutxiagoko ibilbide ezin hobea da familia osoarekin egiteko. Bidea oinez egin dezakezu, ibai ondoko basoaz gozatu, edo zuzenean presara joan eta ur gardenetan bainua hartzeko aprobetxatu.

Bihurtu Zarrakazteluko bisita bizipen paregabe bat urtegi inguruko askaldegi xarmangarrietan: zabuak dituzte jolasteko eta burruntziak barbakoarekin duzun trebetasun gastronomikoa praktikan jar dezazun.
Ibili Aragoi ibaiaren inguruan, Caparroso parean, Aragoiko ubide eta sakanetan barrena. 5 km inguruko ibilbide zirkularra da. hemen..
Ibaitik gertu bizikletaz ibilbide bat egin nahi baduzu, Aragoiko ibaiertzetik egitea gomendatzen dizugu. Zailtasun ertaineko ibilbide bat da, 22 kilometrokoa, eta Santacara eta Traibuenas udalerriak zeharkatzen ditu.